8. பன்னாட்டுத் தமிழ் எழுத்தாளுமைகள்

இந்தியாவிற்கு வெளியே பல நாடுகளில் வசிக்கும் தமிழ் எழுத்தாளர்களை அடையாளம் கண்டு அவர்களின் நூல்களைக்குறித்தும், அவர்களின் உலகளாவிய பயணத்தில் தமிழின் போக்கு குறித்தும் உரையாடி வலைத்தமிழ் பன்னாட்டு இதழில் வெளியிட்டு , வலைத்தமிழ்.டிவி-யில் ஆவணப்படுத்தப்பட்டுவரும் தொடர் நிகழ்ச்சி "பன்னாட்டு எழுத்தாளுமைகள்" . அமெரிக்காவில் உள்ளவர்களைக்கொண்டு "அமெரிக்கத் தமிழ் எழுத்தாளுமைகள்" என்ற நிகழ்வும் நடந்துவருகிறது.

இந்நிகழ்வின் மூலம் , புலம்பெயர்ந்த தமிழ் எழுத்தாளர்களின்  நூல்களை , அவர்களின் எழுத்துப் பயணத்தை ஆவணப்படுத்துவது, நூல்களை திரட்டி தமிழ் அமைப்புகளின் விழாக்கள், நூலகங்களின் தமிழ்ப்பகுதிகளில்  வைக்க ஊக்குவிப்பது, அமைப்புகளில் எழுத்தாளர்களுக்கான இணையமர்வை ஏற்படுத்தி சந்திப்புகளை நடத்துவது, அந்தந்த நாடுகளில் உள்ள தமிழ்ப்பள்ளிகள், சங்கங்கள் படைப்பாளிகளை முறையாக பயன்படுத்த ஊக்குவிப்பது, தமிழகத்தில் உள்ள பதிப்பாளர்கள் தொடர்புகளை ஏற்படுத்தி நூல்களை வெளியிட உதவுவது, தமிழ்நாட்டில் நடக்கும் புத்தகக் கண்காட்சிகளில் புலம்பெயர் எழுத்தாளர்களின் நூல்களை இடம்பெற துணைநிற்பது என்று முடிந்த சில பங்களிப்பை வலைத்தமிழ் தன்னார்வக் குழு செய்ய திட்டமிட்டுள்ளது.  

இத்திட்டத்தை அமெரிக்காவின் புளோரிடா மாகாணத்திலிருந்து எழுத்தாளர் திரு. ஆரூர் பாஸ்கர் அவர்களும், ஜார்ஜியா, அட்லாண்டாவிலிருந்து திருமதி.பிரதிபா பிரேம்குமார் அவர்களும், சௌதி அரேபியாவிலிருந்து முனைவர்.பாக்யலட்சுமி வேணு அவர்களும் ஒருங்கிணைப்பு செய்கிறார்கள்.

காணொளிகள்:
https://www.youtube.com/playlist?list=PLXPD1_to_UjSWpyUrd62wPltpOa8Zaivu

9. குழந்தைகளைக் கொண்டாடுவோம்:

"குழந்தைகளைக் கொண்டாடுவோம்" நிகழ்வின் வழியே சிறுவர் இலக்கியம், சிறுவர் செயல்பாடுகள் சார்ந்த அனைவரையும் அழைத்து நேர்காணல் செய்து பெற்றோர்களுக்கும், தமிழ் சிறுவர் இலக்கிய உலகிற்கும் அவர்களின் பங்களிப்புகளை , திறமைகளை வெளிக்கொண்டுவரும் ஒரு முயற்சியே இந்த நிகழ்ச்சி.. இந்நிகழ்ச்சியை அமெரிக்காவின் மாசச்சூசெட்ஸ் மாகாணத்திலிருந்து திருமதி. கார்த்திகைபிரியா அவர்களும், மிச்சிகன் மாகாணத்திலிருந்து திருமதி. பிரவீனா ராஜரத்தினம் அவர்களும் தொகுத்து வழங்கிவருகிறார்கள்.

காணொளிகள்:
https://www.youtube.com/playlist?list=PLXPD1_to_UjQ9zp5y61Fo0aEQyCBZjPWv

10. சிறுவர் கதைகள்

கதைகள் வழியாகவே வாழ்வியல் கருத்துகளை, ஒழுக்கத்தை , அன்பை, உறவுகளை, நெறிகளை, நீதிபோதனைகளை, கற்பனை செய்யும் வித்தையை கடத்திய தமிழ்ச்சமூகம் இன்று கூட்டுக்குடும்ப வாழ்வியல் முறைகளை விடுத்தும், பொருளாதாரத் தேடல், வேலை என்று பல்வேறு காரணங்களால் புலம்பெயர்ந்தும், குழந்தைகள் தாத்தா-பாட்டிகளிடம் கதை கேட்க வாய்ப்பில்லாத நிலையில் பயணிக்கிறது. இந்நிலையை உணர்ந்து , தொழில்நுட்பத்தை பயன்படுத்தி கதைசொல்லும் ஒரு முயற்சியாக "வலைத்தமிழ் கிட்ஸ் கிளப்" என்ற ஒன்றை உருவாக்கி , கதைசொல்லிகளை அழைத்து நூற்றுக்கணக்கான கதைகளை ஆவணப்படுத்தி பகிர்ந்துள்ளோம். மேலும். கதைசொல்லும் உத்தியை பெற்றோர்களுக்கும் சொல்லிக்கொடுக்க கருத்தரங்கங்கள் ஏற்பாடு செய்துவருகிறோம்.

மேலும், வலைத்தமிழ் சிறுவர் கதைகளுக்கென்று சிறப்பான ஒரு செயலியை உருவாக்கி வெளியிட்டும் , தினம் ஒரு கதைகளை பகிர்ந்தும் வருகிறது.

காணொளிகள்:
https://www.youtube.com/playlist?list=PLXPD1_to_UjTd4nnzRlxARVLoaUkqT8g1

11. தமிழிசை

முத்தமிழில் தமிழிசை பல்வேறு வளர்ச்சிகளை கண்டு, மக்கள் பயன்பாட்டில் வருவது  தமிழிசை ஆய்வுக்கும், மேடை நிகழ்ச்சிகளுக்கும் , இசைவளர்ச்சிக்கும் இன்றியமையாதது. 

வலைத்தமிழ் அறக்கட்டளை, இன்னிசையேந்தல் திருபுவனம் குரு. ஆத்மநாதன் அவர்களை முதல்வராகக்கொண்டு வலைத்தமிழ் கல்விக்கழகத்தை தொடங்கி,உலகெங்கும் பல நாடுகளில் வாழும் மாணவர்கள் தமிழிசையை கற்க வாய்ப்பு ஏற்படுத்தப்பட்டுள்ளது. இது மட்டுமல்லாமல் , மார்கழி இசைவிழா, கோடைகாலப் பயிற்சிப்பட்டறை, நவராத்திரி விழா என்று பல்வேறு நிகழ்ச்சிகளை தமிழிசையைப்பாட வாய்ப்பாக நடத்திவருகிறது.

இதனால் உலகெங்கும் உள்ள அனைத்து வயதினரும் இசையை கற்க எளிய வழி ஏற்பட்டுள்ளது.

ஒவ்வொரு தமிழ்ச்சங்கம், தமிழ்ப்பள்ளிக்கும் இலவச தமிழிசைப் பயிற்சியை வழங்கி அவர்களுக்கு இதன் முக்கியத்துவத்தை கொண்டுசெல்ல முயற்சிகள் தொடர்கிறது..

காணொளிகள்:
https://www.youtube.com/playlist?list=PLXPD1_to_UjRiXCTst6F4XPuvzoneNkOg
159 videos

12. கற்றனைத்தூறும் அறிவு

தமிழில் சிறுவர் இலக்கியங்களுக்காக எழுத்தாளர்கள் மிகுந்திருந்த காலக்கட்டங்கள் உண்டு. மக்கள் பொருளாதார வளம் குன்றிய காலத்தில், பல நூல்கள் சிறுவர்களுக்கு வந்துகொண்டிருந்தன. ஆனால் இன்று பொருளாதாரம் வளர்ந்திருந்தாலும், தன் பிள்ளைகள் கேட்டதை வாங்கிக்கொடுக்கும்  திறனுடைய பெற்றோர்கள் அதிகரித்திருந்தாலும், சிறுவர் இலக்கியங்களை எழுதுபவர்கள் விரல் விட்டு எண்ணக்கூடிய அளவிற்கு குறைந்துவிட்டனர். எனவே சிறுவர் எழுத்தாளர்களை  ஆவணப்படுத்தி, அவர்களின் நூல்களை அறிமுகப்படுத்தும் நோக்கில் "கற்றனைத்தூறும் அறிவு" என்ற தொடர் நிகழ்ச்சி நடத்தப்படுகிறது.

இந்நிகழ்ச்சியை அமெரிக்காவின் மிச்சிகன் மாகாணத்திலிருந்து திருமதி. பிரவீனா இராஜரத்தினம் அவர்கள் நெறியாள்கை செய்துவருகிறார்.

காணொளிகள்:
https://www.youtube.com/playlist?list=PLXPD1_to_UjThfOxMQ86Ct-5zqzwLDcWO

13. வையத் தலைமைகொள்

தமிழர் வரலாற்றில் ஆண்களும், பெண்களும் சமமான நிலையில் வாழ்ந்தவர்கள். தமிழிலக்கியத்தில் பல பெண்பால் புலவர்கள், சிந்தனையாளர்கள் இருந்துள்ளதை நாம் அறிவோம். இன்றைய பொது வாழ்வில் பெண்கள் இடையில் ஏற்பட்ட தொய்வுகளைத் தாண்டி மெல்ல முன்னேறி பல துறைகளில் தங்களை தடம்பதித்து வருகிறார்கள். அப்படி இலக்கியம், சமூக வாழ்வியல், அரசியல், தொழில், ஊடகம், எழுத்து என்று பல துறைகளில் முன்னேறி முன்னுதாரணமாகத் திகழும் உலகத் தமிழ் பெண் ஆளுமைகளை அடையாளம் கண்டு நேர்காணல் செய்து, வளர்ந்து வரும் பெண்களுக்கு, இளைஞிகளுக்கு நம்பிக்கையை, ஆளுமைத்திறனை  ஏற்படுத்தும் வகையில் ஆவணப்படுத்தி வருவது இந்நிகழ்ச்சியின் நோக்கம். 

இந்நிகழ்ச்சியை அமெரிக்காவின் நியூஜெர்சி மாகாணத்திலிருந்து திருமதி.சுபா காரைக்குடி ஒருங்கிணைப்பு செய்கிறார்.

காணொளிகள்:
https://www.youtube.com/playlist?list=PLXPD1_to_UjQ6xegW5ulSJ8YUkaz3yyu3

14. எங்கள் குலதெய்வம்

தமிழ் சமூகத்தில் மரபைக்  காக்க, ஒற்றுமையை வலுப்படுத்த , உறவுகளைப் பேண , பகைமையை குறைக்க  , அமைதியை ஏற்படுத்த, நம்பிக்கையுடனும், நேர்மறை சிந்தனையுடனும், கொண்டாட்ட மனோபாவத்துடனும் மகிழ்ச்சியாக  இருக்க , கிராமப்புற வாழ்வியலை வலுப்படுத்த "எங்கள் குல தெய்வம்" என்ற முயற்சி தொடங்கப்பட்டு குலதெய்வக்  கோயில்களை ஆவணப்படுத்துவதும், ஊக்குவிப்பதும், இதன்மூலம்  இளையோருக்கு , படித்தவர்களுக்கு தாங்கள் செய்யும் அனைத்து செயல்பாடுகளிலும் குலதெய்வ வழிபாட்டை உள்ளடக்கி பயணிக்கவேண்டும் என்ற நம்பிக்கையை விதைப்பதும் நோக்கம்.

15. தமிழ் எழுத்துப்பிழை திருத்தி / மென்பொருள் வடிவமைப்பு. 

நாவி என்ற ஒற்றுப்பிழை திருத்தியை உருவாக்கிய கணிணித்தமிழில்  தொடர்ந்து இயங்கிவரும் நீச்சல்காரனின் செயல்பாட்டை ஊக்குவிக்கவும், தமிழ் சமூகத்தின் பயன்பாட்டிற்கு பரவலாக கொண்டுசேர்க்கவும்  தமிழில் எழுத்துப்பிழை  திருத்தி ஒன்றை உருவாக்கிட ஊக்கம் கொடுத்தும், கட்டமைப்பு வசதிகளை ஏற்படுத்தியும், புரவலராக இருந்தும்  "வாணி"  என்ற திருத்தியை அறிமுகம்செய்துள்ளோம். 

இதை அடுத்தக்கட்டத்திற்கு கொண்டு செல்லும் நோக்கில் www.VaaniEditor.com என்ற தளத்தை உருவாக்கி பதிப்புலகிற்கும் , பொதுமக்களுக்கும், பல்கலைக்கழகங்களுக்கும், தமிழ் பயன்பாட்டு நிறுவனங்களுக்கும் API உள்ளிட்ட வசதிகளுடன் இதை மேம்படுத்தி வெளியிடுவதில் பெருமைகொள்கிறோம்.

நீச்சல்காரன் ஒருங்கிணைப்பில் தமிழ் ஆய்வுகள் அடிப்படையில் மேலும் பல தமிழ் சார்ந்த மென்பொருள்களை  வடிவமைக்கவும், பயன்பாட்டிற்கு கொண்டுவரவும் திட்டமிடப்பட்டுள்ளது.

16. வேர் மறவா வெளிநாடுவாழ் தமிழர்கள்:

தமிழ்நாட்டில் பிறந்து உலகின் பல நாடுகளுக்குச் சென்று தன் வாழ்க்கையை அமைத்துக்கொண்டாலும் தான் பிறந்த மண்ணுக்கு திரும்பி செலுத்தவேண்டும் கடனை உணர்ந்து குறிப்பிடத்தக்க சில சமூகப்பணிகளை, உதவிகளை, அறிவுப்பகிர்வை, திட்டத்தை முன்னெடுக்கும் பலரை அடையாளம் கண்டு ஆவணப்படுத்தி , தமிழ் சமூகத்திற்கு அவர்களின் செயலை அறிவித்து அதை பலரும் பின்பற்ற காரணமாக இருக்கவேண்டும் என்ற நோக்கில் உருவாக்கப்பட்டதுதான் "வேர் மறவா வெளிநாடுவாழ் தமிழர்கள்" என்ற இந்த நிகழ்வு.

இந்நிகழ்ச்சியை அமெரிக்காவிலிருந்து திருமதி.சிவச்சித்ரா அசோகன் நெறியாள்கை செய்துவருகிறார்.

காணொளிகள்:
https://www.youtube.com/watch?v=n-3HO0WKqNw&list=PLXPD1_to_UjQqw5akTSChnD2d6TYVXo4w

18. எனைத்தானும் நல்லவை கேட்க (Thirukkural Scholars / Folowers Interview series)

வலைத்தமிழ், வள்ளுவர் குறள் குடும்பத்துடன் இணைந்து, திருக்குறள் கருத்துகளை முழுமையாக உள்வாங்கி வாழ்வில் பின்பற்றிவரும்  100 திருக்குறள் ஆளுமைகளை நேர்காணல் செய்து ஆவணப்படுத்தி பரப்பும் திட்டமாக "எனைத்தானும் நல்லவைக் கேட்க " என்ற தொடர் நிகழ்வு தொடங்கப்பட்டது. வலைத்தமிழின் இந்த நீண்டநாள் தொடர் முயற்சி வள்ளுவர் குறள் குடும்பத்தின் ஒருங்கிணைப்பாளர் திரு.இராஜேந்திரன் IRS (ஓய்வு), மற்றும் அமெரிக்காவின் மிசௌரி மாகாணத்தின் , செயின்ட் லூயிஸ் வசிக்கும் திருக்குறள் ஆர்வலர் திரு. இளங்கோ அவர்களும் நெறியாள்கை செய்து, ஒருங்கிணைத்து இதை வெற்றிகரமாக்கி தமிழ் சமூகத்தில் ஒரு மிகப்பெரிய பெட்டகமாக  இந்தத் திருக்குறள் காணொளி ஆவணம்  விளங்கும் என்ற நம்பிக்கையுள்ளது.

புகைப்படம் :
https://www.facebook.com/media/set?vanity=ValaiTamil&set=a.4324276954318345

காணொளிகள்:
https://www.youtube.com/playlist?list=PLXPD1_to_UjTMt8UGwtIytLXFxNvW1y9T

19. திருக்குறள் உள்ளிட்ட பல முக்கிய தமிழ் வார்த்தைகள் கூகுளில் தேடும்போது முதலில் வரும் வகையில் வலைத்தமிழ் மக்களிடம் சென்றடைந்துள்ளது. (For past 12 years of continuous Thirukkural promotion, Google brings ValaiTamil as a first site in global search engine).

உலகில் உள்ள தமிழ்ச்சங்கங்கள், தமிழ்ப்பள்ளிகள், தமிழ் அமைப்புகள் , ஆய்வாளர்கள் பயன்படுத்தும் வகையில் திருக்குறள் தேடும் வசதிகள் மேம்படுத்தப்பட்டு 62 நாடுகளிலிருந்து 19 லட்சம் பேர் 2020-ல் பயன்படுத்தியுள்ளார்கள் . கூகுள் தேடலில் முதலாவதாக வரும் வகையில் இடம்பெற்றுள்ளது கடந்த 12 ஆண்டுகால தமிழ் சேவைக்கு கிடைத்த முக்கியத்துவமாகும்.

20. உலக மொழிகளில் வெளிவந்துள்ள திருக்குறள் மொழிபெயர்ப்பு நூல்களைத் தொகுக்கும் திட்டம்

திருக்குறள் வெளிவந்துள்ள பிறமொழி மொழிபெயர்ப்புகளைத் தொகுப்பதற்காக வலைத்தமிழ் உருவாக்கியுள்ள நூல் தொகுக்கும் குழுவில் அமெரிக்காவின் மிசௌரி மாகாணத்தில் வசிக்கும்  திருக்குறள் ஆர்வலர், திரு.இளங்கோ தங்கவேலு தலைமையில் ஏழு பேர் கொண்ட குழு பல்வேறு நாடுகளின் நூலகங்கள், தமிழ்ச்சங்கங்கள், மொழிபெயர்ப்பாளர்கள்,   தமிழறிஞர்களைத் தொடர்புகொண்டு திருக்குறள் மொழிபெயர்ப்பு நூல்கள்  குறித்த விவரங்களைத் திரட்டி நூல்களைச் சென்னைக்கு அனுப்பிவருகிறது. இதில் வள்ளுவர் குறள்  குடும்பமும் இணைந்து முழுமையாக தேடும் , தொகுக்கும் பணியை விரைவுபடுத்தியுள்ளது.  (ValaiTamil formed an International Team to get all Thirukkural Translated books in hard copy form and sent to ValaiTamil India or USA office locations)

21. 1330 திருக்குறளுக்கும் ஓவியத்துடன், ஒலி , குறள் விளக்கம் தமிழிலும் ஆங்கிலத்திலும்.   (1330 Thirukkural is compiled in all kind of technical farms to serve global community):

22. திருக்குறள் செயலிகள்

வலைத்தமிழ் அமெரிக்காவின் வெர்ஜினியா மாகாணத்தை சார்ந்த புரவலர் திரு.சுரேஷ் கணேசன் அவர்களுடன் இணைந்து ஒவ்வொருவரும் ஒன்றரை லட்சம் நிதியளித்து இரண்டு மேம்பட்ட திருக்குறள் செயலிகளை (Mobile Apps) முறையாக தமிழ் தெரிந்தவர்களும், தெரியாதவர்களும் பயன்படுத்தும் வகையில் வடிவமைத்து 2017-ல் iphone, Android செயலிகளாக வெளியிடப்பட்டது. (ValaiTamil Team released two powerful mobile apps with strong architecture to meet global needs)

a. App Name: Thirukkural Audio (Android , iPhone)
Published in Feb, 2017 and downloaded and used by 50000+ users.
Search by ValaiTamil to get this app or use this link to download: https://play.google.com/store/apps/details?id=com.fmt.thirukuralaudio

b. App Name: Kural (Android , iPhone) -  Published in Feb,2017.

https://play.google.com/store/apps/details?id=com.fmt.thirukuralaudio

23. திருக்குறள் கட்டுரைகள், ஆய்வுகள் தொகுப்பு:

திருக்குறளுக்கு ஒரு சிறப்புப் பகுதியை வலைத்தமிழ் இலக்கியம் பகுதியில் உருவாக்கி அங்கு அனைத்து திருக்குறள் சார்ந்த ஆய்வுக்கட்டுரைகள் , நேர்காணல்கள் , செய்திகள் , கருத்தரங்கங்கள் அனைத்தும் தொகுக்கப்படுகிறது. (ValaiTamil is collecting and organizing thirukkural related regular and research articles in various topics)

URL : https://www.valaitamil.com/literature_thirukkural

24. திருக்குறள் விளக்கவுரை காணொளி :

ஒவ்வொரு திருக்குறளுக்குமான விளக்க உரைகளை தொகுக்கும் திட்டம் தொடங்கப்பட்டு தொடர்ச்சியாக 1330 திருக்குறளுக்கும் தரமான உரைகள் , பல கோணங்களில் , பல நாடுகளிலிருந்து, தமிழ்-ஆங்கிலம் ஆகிய மொழிகளில் உருவாகும் பயணம் தொடர்கிறது. ( ValaiTamil launched a global project to capture explanation with simple and current scenario example in English and Tamil for each kural for 5 minutes)

காணொளிகளைக் காண: https://www.youtube.com/playlist?list=PLXPD1_to_UjT8G9YCpeewLmkpI2zhqO2-

25. திருக்குறள் மறையோதல்

அமெரிக்காவின் பனை நிலம் தமிழ்ச்சங்கம் இசையுடன் உருவாக்கியுள்ள திருக்குறள் மறையோதலை காணொளியாக ஆவணப்படுத்தி ஒவ்வொரு குறளுடன் இணைக்கும் பணி தொடங்கப்பட்டுள்ளது. (Thirukkural with music is documented by Panai Nilam Tamil Sangam Team and ValaiTamil Joined with them to bring that as a practice to chant 10 kurals during the inauguration of any Tamil Event).

காணொளிகளைக் காண: https://www.youtube.com/playlist?list=PLXPD1_to_UjRcIQettH-O1aa8VB1u34LO

26. மாவட்ட அளவில் 1330 திருக்குறளை முற்றோதல் செய்து அரசின் ரூபாய் 10000 மற்றும் சான்றிதழ் பெற இலவசப் பயிற்சி:

வலைத்தமிழ் அறக்கட்டளை, வள்ளுவர் குறள் குடும்பம் மற்றும் Service 2 Society ஆகிய அமைப்புகளுடன் இணைந்து 1330 திருக்குறளை படித்து , உள்வாங்கி ஒப்பிக்கும் திருக்குறள் முற்றோதல் இலவசப் பயிற்சியை ஏற்பாடு செய்துள்ளது. இது எளிதான, எல்லோராலும் செய்துமுடித்துவிடக்கூடிய செயல் இல்லை என்பதால் , இதற்கு முறையாக பயிற்சி கொடுக்க, கடந்தகாலங்களில் மாணவர்களை வெற்றிபெறச் செய்துள்ள எட்டு பயிற்சியாளர்களை தமிழகமெங்கும் அடையாளம் கண்டு , அவர்கள் ஒவ்வொருவருக்கும் ஒரு மாவட்டத்திற்கு குறைந்தது 100 மாணவர்கள் என்று ஐந்து மாவட்டங்களுக்கு குறைந்தது 500 மாணவர்களை அடையாளம் கண்டு பயிற்சியளிக்க முயற்சி மேற்கொள்ளப்பட்டுள்ளது.

இதற்கு வலைத்தமிழ் அறக்கட்டளை மற்றும் Service 2 Society நடத்தும் "தனித்துவமிக்க தலைமையாசிரியர்" , "ஆற்றல்மிகு ஆசிரியர்" நிகழ்ச்சிகளில் பங்குபெற்ற அரசுப்பள்ளி ஆசிரியர்களின் ஒத்துழைப்புடன், மாவட்ட கல்வி அதிகாரிகள் ஒத்துழைப்புடன் இத்திட்டத்தை வெற்றிகரமாக நடத்த திட்டமிடப்பட்டுள்ளது. மாவட்டத்திற்கு ஓர் ஆண்டில் 100 பேர் திருக்குறள் முற்றோதல் செய்தல் என்று தொடங்கி , 2026-ல் மாவட்டத்திற்கு 1000 பேர் வரை முற்றோதல் செய்து அவர்களுக்கு கல்வி வழிகாட்டுதல், வேலைவாய்ப்பு, தன்னம்பிக்கை பயிற்சி என்று அனைத்து வகையிலும் கைபிடித்துவிட்டு ஒழுக்கம் நிறைந்த, அறம் சார்ந்த, பொதுநலன் உள்ள , தலைப்பண்புகள் உள்ள சிறந்த குடிமகனை உருவாக்கும் பொறுப்பு மிக்க பணியாக இது அமையும் என்பது எமது நம்பிக்கை. 

தனி மனித ஒழுக்கம் , தலைமைப்பண்பு, நட்பு, ஈகை என்று வாழ்வின் வெற்றிக்கு பல்வேறு கூறுகளை திருக்குறள் முற்றோதல் செய்த மாணவர்கள் வளர்ந்து வரும் பருவங்களுக்கு ஏற்ற புரிதலுடன் வாழ்க்கையை மகிழ்ச்சியாகவும், பொறுப்புடனும் எதிர்கொள்வார்கள் என்று எதிர்பார்க்கலாம்.